Ilk tashrif: Putin kutilmaganda Xersonga bordi
Rossiya prezidenti mart oyida esa Mariupolga borgandi.
Rossiya prezidenti Vladimir Putin kecha, 17 aprel kuni Dnepr qo‘shinlari guruhining Xerson yo‘nalishidagi qarorgohiga tashrif buyurdi.
Davlat rahbari shtabda Havo-desant qo‘shinlari qo‘mondoni, general-polkovnik Mixail Teplinskiy, Dnepr kuchlari guruhi qo‘mondoni, general-polkovnik Oleg Makarevich, shuningdek, boshqa harbiy rahbarlarning hisobotlarini tinglagan.
Putin Xerson viloyatiga birinchi marta tashrif buyurdi. Avvalroq u mart oyida Mariupolga borgandi.
Maʼlum qilinishicha, Putin Xersonga vertolyotda borgan, shundan so‘ng u mashinada bir necha tumanlarni aylanib chiqqan.
Ushbu tashrif bugunga qadar sir tutildi. Kreml matbuot kotibi Dmitriy Peskov Putinning bu safari dastlab rejalashtirilmagani va o‘z-o‘zidan sodir bo‘lganini aytdi.
