Xitoylik erkak lotereyada 365 kunlik pullik taʼtilni yutib oldi

 

Xitoyda kompaniya muhandisi tashkilot tomonidan uyushtirilgan lotereyada 365 kunlik haq to‘lanadigan taʼtilni yutib olganidan so‘ng butun mamlakatning hasadiga uchradi.

 

Taxminan bir haftadan beri Xitoy ijtimoiy tarmoqlarida tarqalayotgan videoda yosh yigitning “365 kunlik haq to‘lanadigan taʼtil” deb yozilgan katta yozuvni ushlab o‘tirganini ko‘rish mumkin. Ko‘p o‘tmay bu kadrlar mamlakat axborot agentliklarining eʼtiborini tortdi va ular videoda ko‘rsatilgan joy va shu tariqa u yerda sodir bo‘lgan voqeani aniqlashga erishishdi. Maʼlum bo‘lishicha, bu voqea Shenjenda o‘tkazilgan yillik yig‘ilishda qayd etilgan bo‘lib, kompaniya rahbariyati xodimlarining zo‘riqishlarini quvnoq va jozibali lotereya sovrinlarini taklif qilish orqali yumshatishni xohlagan.

 

Nomi oshkor etilmagan kompaniyaning maʼmuriy xodimi Chen xonim jurnalistlarga uning ish beruvchisi COVId-19 pandemiyasi sababli uch yil davomida yillik yig‘ilishlar tashkil qilmaganini aytdi. Shuning uchun u xodimlarning yutuq yutishi mumkin bo‘lgan qiziqarli lotereya o‘tkazib, xodimlarning stressini yengillashtirishga qaror qildi. Masalan, tadbirda biror xodim “ hamkasblari uchun ofitsiant bo‘lib xizmat qilishi” yoki “maxsus uy ichimlik” ichishiga majburlash, shuningdek, qo‘shimcha dam olish yoki yana bir necha kunlik pullik taʼtilni o‘z ichiga olgan sovrinlar qo‘yish ko‘zda tutilgan.

 

G‘ayrioddiy mukofot ko‘plab xitoylik ishchilarni hayratda qoldirdi. Baʼzilar to‘liq yillik pullik taʼtilni yutib olishni faqat orzu qilishlari mumkinligi, boshqalari esa bu mukofot aslida yashirin tuzoq ekanini daʼvo qilishdi.

 

Tez fursatda Xitoy ijtimoiy tarmoqlarini portlatgan xabarga kuniga millionlab munosabatlar bildirilmoqda.