Istanbulda quyosh “yo‘qolib qoldi”
Shaharda noodatiy tabiat hodisasi yuz berdi.
Istanbulni ulkan qora bulut qopladi va shahar zulmatda qoldi, deya xabar bermoqda “Turkiye gazetesi”.
Aynan o‘sha vaqtda boshlangan kuchli yomg‘ir yo‘l harakatiga ham kuchli taʼsir ko‘rsatdi. Yomg‘ir va tirbandliklar bilan kurashgan istanbulliklar noyob tabiat hodisasiga guvoh bo‘lishdi. Bulut quyoshni besh daqiqa to‘sib qo‘ygan.
“To‘satdan qorong‘i tushgach, aholi orasida vahima boshlandi” , — deb yozadi nashr.
Anomaliyali hodisa kuzatuv kamerasi tomonidan tasvirga olingan. Unda yetti kilometrlik qora bulut osmonni qanday tezda qoplaganini ko‘rish mumkin.
