Amerikalik erkak 200 ming dollarni ko‘chaga sepib yubordi
U bu harakatini o‘zining hayoti yaxshi ekani bilan izohlagan.
AQSHning Oregon shtatida Kollin Devis Makkarti ismli erkak mashinasida turib 100 dollarli kupyuralarni sepib tashladi.
Pul dardida harakatdan to‘xtagan mashinalar tufayli yo‘lda tirbandlik yuzaga kelib voqea joyiga politsiya yetib kelgan.
Kolinga ayblov qo‘yilmagan, faqatgina tarbiyaviy suhbat o‘tkazilgan. Bu paytda esa odamlar yo‘l chetida bitta ham kupyura qoldirmay, pullarni “supurib olishdi”.
Erkakning so‘zlariga ko‘ra, 200 ming dollarni havoga sochib yuborgan. O‘zining aytishicha, bunga uning hayoti yaxshi bo‘lgani va bu quvonchini boshqalar bilan ham bo‘lishi kelgani sabab bo‘lgan.
Bu paytda “qahramonning” turmush o‘rtog‘i bankdagi umumiy hisobdan pullarni olgani uchun erining ustidan politsiyaga arz qilgan.
