Avtomobilsiz kun: Poytaxtda jamoat transporti, velosiped va piyoda yurish targ‘ib etiladi
28-aprel kuni ham poytaxtimizning turli hududlarida "Avtomobilsiz kun" tadbirlari o‘tkaziladi.
Toshkentda 28 aprel kuni "Avtomobilsiz kun" tadbiri o‘tkaziladi. Bu haqda poytaxt hokimligi xabar berdi.
Qayd etilishicha, tadbir insonlar o‘rtasida sog‘lom turmush tarzini targ‘ib qilish maqsadida o‘tkaziladi. Shuningdek, atrof-muhitda barqarorlikni saqlash, tabiatga zaharli gazlar chiqishini imkon qadar kamaytirish ham maqsad qilingan.
"28-aprel kuni poytaxtimizning turli hududlarida "Avtomobilsiz kun" tadbirlari o‘tkaziladi", — deyiladi xabarda.
Ushbu kun doirasida shaxsiy avtomobillarda harakatlanishni kamaytirish, aholi orasida jamoat transportidan va velosipeddan foydalanishning hamda piyoda yurishning afzalliklari targ‘ib etiladi.
Maʼlumot uchun: Dunyoda "Avtomobilsiz kun" tadbiri 1995 yildan buyon o‘tkaziladi. Jahon uzra ommalashganganiga esa 23 yil bo‘ldi.
