Toshkentda maktab qizlari o‘zidan katta qizni yerto‘lada do‘pposladi — video
Holatga rasmiy munosabat bildirildi.
7-sinf qizlar 8-sinf qizni do‘pposlashgan hamda holatni videoga olib, Instagram sahifasiga qo‘yishgan. Holatga rasmiy munosabat bildirildi.
Avvalroq, ijtimoiy tarmoqda bir nechta qizlar boshqa qizni do‘pposlashayotgani aks etgan video tarqaldi. Toshkent shahar maktabgacha va maktab taʼlimi boshqarmasi holatga munosabat bildirdi.
Maʼlum qilinishicha, videoda aks etgan voqea 25 aprel kuni taxminan soat 15:00 larda Shayxontohur tumani "Samarqand darvoza" MFY Uchlola ko‘chasi 4-uyning yerto‘la qismida sodir bo‘lgan.
Aniqlanishicha, shu tumandagi 82-sonli umumtaʼlim maktabi 7-sinf o‘quvchisi S.S. dugonalari Ch., S., T. va G.lar bilan birga shu maktabning 8-sinf o‘quvchisi K.M.ni do‘pposlashgan hamda tasvirga olingan videoni o‘zining Instagram‘dagi sahifasiga joylab tarqatgan.
Holat yuzasidan Shayxontohur tumani IIO FMB xodimlari tomonidan tergov-surishtiruv ishlari olib borilmoqda.
