Britaniyada bardagi hojatxonadan maxfiy hujjatlar topildi
Hujjatni bar mijozlaridan biri topib olgan.
Britaniyaning Kambriya grafligidagi bar hojatxonasidan "HMS Anson" suv osti kemasi haqidagi ma’lumotlarni o‘z ichiga olgan maxfiy hujjatlar topildi.
"Bar gavjum kecha edi. U yerda harbiylar va oddiy fuqarolar bor edi. Men hojatxonaga kirdim, hujjatlar kabinada yerda yotardi" — deydi uni topgan shaxs.
U hujjatlarda Britaniya maxfiy shtampini ko‘rgan.
Uning qo‘shimcha qilishicha, hujjatlarda suv osti kemasining ichki qismi ko‘rsatilgan.
"HMS Anson" suv osti kemasi 2023-yil fevral oyida birinchi marta ochiq dengizga chiqdi. U og'ir torpedalar, shuningdek, "Tomahawk" qanotli raketalari bilan jihozlangan. Suv osti kemasi yadroviy reaktorda va u 25 yil davomida yoqilg‘i quymasdan ishlay oladi.
