“Yangi Konstitutsiya Toshkentning Markaziy Osiyodagi siyosatini ham belgilab beradi”
O‘zbekistondagi referendum haqida xorij matbuotida maqola eʼlon qilindi.
Yaponiyaning yetakchi nashrlaridan biri — The Japan Times O‘zbekistonda bo‘lib o‘tgan referendum yakunlari haqida yozar ekan, nafaqat ushbu siyosiy tadbir, balki so‘nggi yillardagi transformatsiya jarayonlari hamda Markaziy Osiyo mintaqasidagi integratsiyaning kuchayishida O‘zbekistonning roli haqida alohida to‘xtalib o‘tgan.
“O‘zbekistonning ochiq, demokratik va jadal rivojlanayotgan, kuchli fuqarolik jamiyatiga ega bo‘lgan davlatga aylanish yo‘lini belgilab beruvchi bu yangi Konstitutsiya rasmiy Toshkentning Markaziy Osiyodagi faol mintaqaviy siyosatini ham belgilab beradi. Ushbu trend nafaqat Markaziy Osiyo mamlakatlarining, balki butun xalqaro hamjamiyatning manfaatlariga xizmat qiladi”, deb yozadi nashr.
