O‘zbekistonning AQSHdagi yangi elchisi Bayden bilan uchrashdi
Elchi AQSH rahbariga ishonch yorlig‘ini topshirdi.
O‘zbekistonning AQSHdagi yangi Favqulodda va muxtor elchisi Furqat Sidiqov mamlakat prezidenti Jo Baydenga ishonch yorliqlarini topshirdi. Bu haqda elchi o‘zining Twitter sahifasida maʼlum qilgan. O‘zbekistonning AQSHdagi yangi Favqulodda va muxtor elchisi sahifasiga AQSH prezidenti bilan tushgan suratini joylashtirgan va quyidagicha izoh qoldirgan:
“Prezident Jo Bayden bilan uchrashish katta sharaf va imtiyoz. Men xalqlarimiz o‘rtasidagi do‘stlik va hamkorlikni mustahkamlash, strategik sherikligimizni yana-da mustahkamlashga intilaman”.
Eslatib o‘tamiz, joriy yilning 3 mart kuni Oliy Majlis Senati O‘zbekistonning AQSHdagi elchisi lavozimiga Furqat Sidiqov nomzodini maʼqullagan edi.
