Toshkentda bog'chadagi qizlarga teg'ajog'lik qilindi

 

Ijtimoiy tarmoqlarda Toshkent shahar Chilonzor tumanidagi 230-sonli maktabgacha ta’lim tashkiloti mudirining 15 yoshli o‘g‘li shu bog‘chada tarbiyalanuvchi 6 yashar qizlarga tegajog‘lik qilgani, ammo, yigitning ota-onasi bu tuxmat ekanligini aytayotgani haqida xabar berildi.

 

Toshkent shahar IIBB Matbuot xizmatining ma’lum qilishicha, joriy yilning 2 may kuni 4 nafar fuqarolar Chilonzor tumani IIO FMBga ariza bilan murojaat qilib, ularning farzandlari (6 yoshli qizlar) MTTda uxlab yotgan vaqtida, voyaga yetmagan 2008 yilda tug‘ilgan X.Sh. bolalarning tanasini turli qismlarini qo‘li bilan ushlab, uyatsiz buzuq harakatlar sodir qilganligini ma’lum qilishgan va X.Sh.ga nisbatan qonuniy chora ko‘rishni so‘ragan.

 

Mazkur holat yuzasidan Jinoyat kodeksining 25-moddasi orqali 119-moddasi bilan jinoyat ishi qo‘zg‘atilgan. Tergov davom etmoqda.

 

"Jinoyat ishi doirasida barcha holatlar batafsil o‘rganilib, zaruriy tergov harakatlari o‘tkazilishi va natijasi bo‘yicha qonuniy qaror qabul qilinishi ta’minlanadi", - deyiladi xabarda.

 

Shuningdek, mazkur holat Bosh prokuratura tomonidan qat’iy nazoratga olingan.