Toshkentda ayol qizining sinf rahbarini kaltakladi
Hozirda holat yuzasidan surishtiruv o‘tkazilmoqda.
Ijtimoiy tarmoqda Toshkent shahrining Chilonzor tumanida maktab o‘qituvchisi va o‘quvchining onasi o‘rtasida janjal yuz bergani aytilgan xabar tarqaldi. Holat yuzasidan shahar maktabgacha va maktab taʼlimi boshqarmasi rasmiy munosabat bildirdi.
Voqea 1 may kuni Chilonzor tumanidagi 178-sonli umumtaʼlim maktabida sodir bo‘lgan. Shu maktabning 4-sinf rahbar o‘qituvchisi va shu sinfda o‘qiydigan qizning onasi o‘rtasida mojaro yuzaga kelgan.
Ayni paytda holat Toshkent shahar maktabgacha va maktab taʼlimi boshqarmasi nazoratiga olingan. O‘qituvchi tomonidan Chilonzor tuman IIO FMBga murojaat qilingan. Hozirda huquq-tartibot xodimlari tomonidan surishtiruv ishlari davom etmoqda.
“Tegishli tashkilotlar yuqoridagi holat bo‘yicha befarq emas. O‘rganish ishlari olib borilmoqda va yakunlari bo‘yicha batafsil maʼlumot beriladi”, — deyiladi xabarda.
