2100 yilga borib, Yerning katta qismi quruq hududga aylanadi
Yevropaning 89 foizi boshqa iqlim zonasiga ko‘chishi mumkin.
Olimlarning prognozlariga ko‘ra, 2100 yilga borib tropik iqlim Yer quruqlik massasining 25 foizgacha tarqaladi. Yer yuzasining katta qismi quruq hududlarga aylanadi.
2100 yilda Yer hududining deyarli yarmi yangi iqlim zonalariga kirishi mumkin.
Iqlim o‘zgarishi shunchalik shiddatli bo‘ladiki, 1880 yillarda yaratilgan xaritalarni qayta chizishga to‘g‘ri keladi. Olimlarning fikricha, agar insoniyat yaqin kelajakda atmosferaga chiqindilarni kamaytirmasa, global isish surʼati tezlashadi.
Oziq-ovqat ishlab chiqarish tizimlari xavf ostida bo‘ladi. Chivinlardan yuqadigan kasalliklar ham tez tarqaladi.
Yevropa va Shimoliy Amerikaning sovuq zonalarida o‘zgarishlar kutilmoqda. 2100 yilga borib, Yevropaning 89 foizi va Shimoliy Amerikaning 66 foizi boshqa iqlim zonasiga ko‘chib o‘tishi mumkin.
