O‘rgangan ko‘ngil o‘rtansa qo‘ymas: Melaniya Tramp yana birinchi xonim bo‘lishni orziqib kutayotganini aytdi
U agar eri saylovda yutsa, prezidentning yonida birga ishlashini aytdi.
AQSH prezidentligiga nomzod Donald Trampning rafiqasi Melaniya erining saylovoldi kampaniyasini qo‘llab-quvvatladi va yana birinchi xonim bo‘lish u uchun sharaf bo‘lishini aytdi. Agar eri muvaffaqiyatga erishsa, u bolalarning farovonligi va rivojlanishiga qaratilgan "Eng yaxshi bo‘l" tashabbuslariga eʼtibor qaratishga vaʼda berdi.
Melaniya "kelajakka umidni tiklash va Amerikani sevgi bilan boshqarish" uchun eri bilan birga ishlashni orziqib kutayotganini aytdi.
"Turmush o‘rtog‘im o‘zining birinchi boshqaruvida ulkan yutuqlarga erishdi va u bizni buyuklik va farovonlikka qaytarishi mumkin", — deydi sobiq birinchi xonim.
Ayni paytda Donald Tramp Respublikachilar partiyasidan prezidentlikka nomzodlik uchun kurashda yetakchilik qilmoqda.
