Toshkentdagi boks chempionatida ommaviy mushtlashuv bo‘ldimi?
IIV tarmoqda tarqalgan xabarlarga izoh berdi.
Ijtimoiy tarmoqlarda Toshkent shahrida bo‘lib o‘tgan Boks bo‘yicha jahon chempionatida ommaviy mushtlashuv bo‘lganligi haqida maʼlumot tarqaldi.
Holat yuzasidan IIV matbuot xizmati munosabat bildirib, tarqalgan xabarlar haqiqatga to‘g‘ri kelmasligini maʼlum qildi.
Qayd etilishicha, joriy yilning 13 mayda Boks bo‘yicha jahon chempionatining navbatdagi kuni so‘ngida tashkilotchilar tomonidan muxlislarga tekinga charm qo‘lqop tarqatish marosimida, muxlislar bir-birlariga navbat bermasdan tartibsiz harakat qilgan.
“Tadbir tashkilotchilar tomonidan qisqa fursatda tartib tiklanib, jamoat tartibini buzilishiga yo‘l qo‘yilmagan”, — deyiladi xabarda.
