“O‘zgidromet” rahbari o‘zi va xodimlariga 46 million so‘m mukofot puli yozdirdi
Holat yuzasidan Tabiat resurslari vazirligi tomonidan xizmat tekshiruvi tayinlandi.
Ijtimoiy tarmoqlarda “O‘zgidromet” direktori Sherzod Habibullayev o‘zini va agentlik xodimlarini 46 million so‘m miqdorida mukofot puli bilan taqdirlagani haqida maʼlumot tarqaldi. Bunga Tabiat resurslari vazirligi axborot xizmati izoh berdi.
Maʼlum qilinishicha, hozirda Tabiat resurslari vazirligi tomonidan holat yuzasidan xizmat tekshiruvi tayinlandi va tegishli tartibda o‘rganish ishlari olib borilmoqda.
Shuningdek, xabarda tekshiruv natijasi bo‘yicha vazirlik tomonidan qonunga muvofiq tegishli choralar ko‘rilishi qo‘shimcha qilingan.
