Manxettenda terakt uyushtirgan Sayfullo Soipov 260 yilga qamaldi
U begunoh odamlarni o‘ldirgani uchun sakkiz umrlik qamoq jazosiga mahkum etildi.
AQSH Adliya vazirligiga ko‘ra, 2017 yilda Nyu-York markazida terakt uyushtirgan o‘zbekistonlik 34 yoshli Sayfullo Soipov sakkiz umrlik va 260 yillik qamoq jazosiga hukm qilingan.
Soipov sakkiz umrlik qamoq jazosini begunoh odamlarning sakkizta tanlangan hayoti uchun oldi. 260 yil qamoq jazosi Soipovning 18 ta qotillikka urinish, jumladan, to‘rt nafar bolani ham o‘ldirishga urinish uchun eng ko‘p jazo hisoblanadi.
Sayfullo Soipov 28 ta band bo‘yicha aybdor deb topildi. Nyu-York sudida u qotillik va terrorchilik ayblovlarini tan olmadi. Prokuratura unga o‘lim jazosini berishni talab qilgan, biroq hakamlar hayʼati o‘lim hukmini ijro etish bo‘yicha kelisha olmagan.
«Soipov o‘z maqsadi imkon qadar ko‘proq odam o‘ldirish bo‘lganini, qilgan ishidan mamnunligini aytdi. U jilmayib, shifoxona xonasida ISHID bayrog‘ini osib qo‘yishlarini so‘ragan. Terrorchi hujumni amalga oshirish uchun 1 yil vaqt sarflaganini va buni rejalashtirish uchun ikki oy vaqt ketganini tan oldi», – deyiladi bayonotda.
Maʼlumot o‘rnida, terakt 2017 yil 31 oktyabr kuni soat 15:15 atrofida Quyi Manxettendagi One World Trade Center osmono‘par binosi yonida sodir bo‘lgan edi. Ayblanuvchi avtomobilda velosiped yo‘lidagi odamlar tomonga qarab harakatlangan. Shundan so‘ng u avtomobil bilan maktab avtobusiga borib urilgan, keyin esa odamlarga qarata o‘q uzgan.
Hujum oqibatida 8 kishi halok bo‘lib 15 kishi yaralangan edi.
