YETTB Ukrainaga yordam berishda davom etadi
Bu haqda bank prezidenti Samaqanddagi yig‘ilishda aytib o‘tdi.
YETTB Rossiyaning Ukrainaga tajovuzini qoralaydi. Bu haqda Samarqandda bo‘lib o‘tgan YETTBning 32-yig‘ilishida bank Prezidenti Odil Renou-Basso aytib o‘tdi.
“Biz Rossiyaning Ukrainaga nisbatan agressiyasini qoralaymiz. Ayni damda bu biz uchun ustuvor yo‘nalishlardan biridir, yaʼni biz Ukrainaga urush paytida ham, urushdan keyin ham o‘zini tiklab olish uchun yordamimizni ayamaymiz. Bu jihatdan YETTBning o‘z yo‘nalishi bor. Shuni ham taʼkidlash kerakki, YETTB Ukrainada urush paytida ham unga investitsiya kiritgan tashkilot bo‘ldi, shu nuqtai nazardan barcha javobgarlikni o‘z zimmamizga oldik. 2022 yilda Ukrainaga kiritgan sarmoyamiz 200 millionni tashkil etsa, 2023 yilga kelib bu 3 milliardga yetdi. Hozirda bu mamlakatdagi savdo aylanmasini yaxshilash, infrastrukturalarni yaxshilash, xususiy sektorni ko‘paytirish, oziq-ovqat taʼminotiga yordam berish, ish o‘rinlarini saqlab qolish, iqtisodiyotni tiklashni asosiy vazifalarimizdan deb bilamiz. Shu bilan birga, urushda jabr ko‘rgan barcha mamlakatlarga ham ko‘mak beramiz”, – deydi Prezident.
