Sudanda sulh yana muvaffaqiyatsizlikka uchradi
Kelishuvga qaramay, o't oсhish to'xtamayapti.
Sudanda o't ochishni to'xtatishga qaratilgan yettinchi urinish yana muvaffaqiyatsizlikka uchradi. Kecha kechasi sulhdan keyin Xartum va boshqa joylarda hujumlar yuz bergan.
AQSh va Saudiya Arabistoni vositachiligida 7 kunlik otashkesimga qaramay, Sudanda janglar davom etdi. Guvohlar poytaxt Xartum va boshqa joylarda havo hujumlari va to‘qnashuvlar bo‘lganini ma’lum qilgan.
Yangi sulh rasman dushanba kuni mahalliy vaqt bilan 21:45 da boshlangan edi.
BMTning Sudan bo'yicha maxsus vakili Volker Perthes sulh boshlanishidan bir necha soat oldin so'zlagan nutqida har ikki tomonni kurashni to'xtatishga chaqirdi.
"Ikkala tomon ham meni bir-birlarining harakatlarini qoralashga undamoqda. Men har ikki tomonni harbiy harakatlarni to‘xtatishga va Sudan va uning xalqi manfaati uchun muloqotga qaytishga chaqiraman",- deydi u.
