Asr oxiriga borib, dunyoning 1/5 qismi jaziramadan aziyat chekadi
“Bu sayyoraning o‘zgarishiga olib kelishi mumkin”, — deydi olimlar.
Ekseter va Nankin universitetlari olimlarining fikricha, 2100 yilga borib dunyo aholisining beshdan bir qismi yuqori haroratdan aziyat chekadi.
Asr oxiriga borib Yerdagi havo harorati Selsiy bo‘yicha 2,7 darajaga ko‘tariladi. Natijada jazirama to‘lqinlariga duchor bo‘ladigan odamlar soni ikki milliardga yetadi.
Olimlarning qayd etishicha, agar harorat Selsiy bo‘yicha 3,6-4,4 darajaga ko‘tarilsa, bu iqlim inqirozi uchun eng yomon holat bo‘ladi. Bunday holda dunyo aholisining yarmi qulay iqlim zonasidan tashqarida bo‘lishi mumkin.
“Bu sayyoramizning yashashga yaroqliligidagi tub o‘zgarishdir. Bu odamlar yashaydigan Yer yuzasining keng ko‘lamli o‘zgarishiga olib kelishi mumkin”, — dedi Ekseter universitetidagi Global tizimlar instituti direktori Tim Lenton.
