Qoraqalpog‘istonda "Mehrli maktab" filiali ochildi
Ziroat Mirziyoyeva Qoraqalg‘istonda bemor bolalar va ularning ota-onalari bilan suhbatlashdi.
"Mehrli maktab"ga tashrif chog‘ida Ziroat Mirziyoyeva bu yerda yaratilgan sharoitlar bilan tanishdi, bolalar bilan samimiy suhbatlashib, pedagoglar va ota-onalarga dalda so‘zlarini izhor etdi.
"Mehrli maktab" – taʼlimdan, kim qanday vaziyatga tushib qolganidan qatʼi nazar, barcha bahramand bo‘lishi mumkinligiga yorqin misol. Bu yerda uzoq vaqt davomida davolanayotgan hamda oddiy maktab yoki bog‘chaga qatnash imkoniyati bo‘lmagan bolalar bilim olmoqda va tarbiyalanmoqda. Ular reabilitatsiya jarayonidan ham shu yerning o‘zida ota-onalari ishtirokida o‘tadi.
Yil yakuniga qadar "Mehrli maktab" filiallari Andijon va Farg‘onada ochiladi.
