Huquqbuzar chiqindisini o‘zi tozaladi — video
Shuningdek, 1 650 000 so‘m miqdorida jarimaga ham tortildi.
Tabiat resurslari vazirligi tomonidan o‘rnatilgan kuzatuv kameralari noqonuniy chiqindi tashlash bilan bog‘liq navbatdagi huquqbuzarlikni tasvirga oldi.
Aniqlanishicha, Toshkent viloyati, Yangiyo‘l shahri, "Yangibog‘" MFY hududida fuqaro F.S. davlat raqami “10 S 335 BA” bo‘lgan “Damas” rusumli avtotransport vositasida belgilanmagan joyga chiqindi tashlagan.
Maʼlum bo‘lishicha, holat yuzasidan huquqbuzarga nisbatan MJtKning 91PRIM 1-moddasi 3-qismi bilan maʼmuriy bayonnoma rasmiylashtirildi.
«Huquqbuzar o‘zi tashlagan chiqindi o‘zi tozaladi va 1 650 000 so‘m miqdorida jarimaga tortildi», — deyiladi xabarda.
