Wikimedia fondi 37 ming dollar jarimaga tortildi
Avval ham jamg'arma ishi Rossiya tomonidan bir necha bor sudga oshirilgan.
Wikipediya onlayn ensiklopediyasi infratuzilmasini yurituvchi Wikimedia fondi notoʻgʻri maʼlumotlarga asoslangan maqolani olib tashlashdan bosh tortgani uchun uch million rubl miqdorida jarimaga tortildi. Bu haqda “TASS” xabar bermoqda.
Bunga Wikipediyaga joylangan Ukrainadagi maxsus operatsiya, xususan, Xarkov viloyatidagi voqealar haqidagi maqola sabab bo‘ldi. Roskomnadzor materialni olib tashlashni talab qildi, ammo tashkilot bundan bosh tortdi.
Natijada Moskva sudi Wikimedia fondini Ma'muriy javobgarlik to'g'risidagi kodeksning 13.41-moddasi 2-qismi (agar sayt egasi tomonidan ma'lumotni yo'q qilish majburiyati qonun hujjatlarida nazarda tutilgan bo'lsa, uni o'chirmaslik) bo'yicha aybdor deb topdi.
Wikimedia jamg'armasi o'chirilishi mumkin bo'lgan ma'lumotlarga kirishni cheklamagani uchun Rossiyada bir necha bor sudga tortilgan. Shunday qilib, avvalroq kompaniya Rossiya Qurolli Kuchlarining 40-injenerlik polki haqida taqiqlangan ma'lumotlarga ega bo'lgan materialni olib tashlamagani uchun ikki million rubl miqdorida jarimaga tortilgan edi.
