Shavkat Mirziyoyev Cho‘lponota shahriga yetib bordi
Davlat rahbarini aeroportda Qirg‘iziston rasmiylari kutib olgan.
Shavkat Mirziyoyev «Markaziy Osiyo – Yevropa Ittifoqi» ikkinchi sammitida ishtirok etish uchun amaliy tashrif bilan Qirg‘izistonning Cho‘lponota shahriga yetib bordi. Bu haqda Prezident matbuot xizmati xabar berdi.
Aeroportda davlat rahbarini Qirg‘iziston Respublikasi Vazirlar Mahkamasi Raisi — Prezident Administratsiyasi rahbari Aqilbek Japarov va boshqa rasmiy shaxslar kutib oldi.
Maʼlum qilinishicha, bugun Cho‘lponotada ikkinchi «Markaziy Osiyo – Yevropa Ittifoqi» sammiti bo‘lib o‘tadi. Uning kun tartibidan mintaqa mamlakatlarining Yevroittifoq bilan konstruktiv muloqotini yana-da rivojlantirish va amaliy hamkorligini kengaytirish masalalari o‘rin olgan.
