Olmaliqda o‘qituvchilar majburiy mehnatga chiqarildi
Hozirda holat bo‘yicha mansabdorga chora ko‘rilgan.
Ijtimoiy tarmoqlarda Toshkent viloyatining Olmaliq shahrida 2-maktab o‘qituvchilari majburiy mehnatga jalb etilgani aks etgan suratlar tarqaldi. Holatga viloyat kambag‘allikni qisqartirish va bandlik bosh boshqarmasi rasmiy munosabat bildirdi.
Aniqlanishicha, 2-sonli umumiy o‘rta taʼlim maktabi direktorining maʼnaviy va maʼrifiy ishlar bo‘yicha o‘rinbosari tomonidan Mehnat kodeksining 5-moddasi hamda Vazirlar Mahkamasining 349-sonli qaroriga zid ravishda 5 nafar pedagog xodimlarni maʼmuriy tartibda obodonlashtirish va ko‘kalamzorlashtirish ishlariga jalb etilgan.
Mansabdorga Maʼmuriy javobgarlik to‘g‘risidagi kodeksning 294-moddasida nazarda tutilgan huquq va burchlari tushuntirilib, unga nisbatan mazrur kodeksning 51-moddasi 2-qismiga asosan maʼmuriy taʼsir chorasi qo‘llanilgan.
