Jurnalistni so‘kkan erkak 5 sutkaga qamaldi
Bugun uning ishi sudda ko‘rib chiqilgan.
Avvalroq MY5 telekanali muxbiri Toshkent shahri Mirzo Ulug‘bek tumanida aholi murojaatini o‘rganayotgan paytda tazyiqqa uchragani haqida xabar berilgandi.
Bugun, 5-iyun kuni ochiq sud majlisida M.Ya.ga oid maʼmuriy huquqbuzarlik to‘g‘risidagi ish ko‘rib chiqildi.
Jinoyat ishlari bo‘yicha Mirzo Ulug‘bek tuman sudining qaroriga ko‘ra, M.Ya. Maʼmuriy javobgarlik to‘g‘risidagi kodeksning 183-moddasi (mayda bezorilik) da nazarda tutilgan huquqbuzarlikni sodir qilgan deb topilib, unga 5 sutka maʼmuriy qamoq jazosi tayinlandi.
Ushbu qarordan norozi taraflar qonunda belgilangan tartib va muddatda Toshkent shahar sudining apellyatsiya instansiyasiga shikoyat berish va protest bildirishga haqli ekani maʼlum qilingan.
