AOKA mutasaddilari va media ekspertlar ishtirokida davra suhbati bo‘lib o‘tdi
Davra suhbatida media ekspertlar, tadqiqotchilar, soha mutaxassislari, davlat organlari axborot xizmati rahbarlari, jurnalistlar ishtirok etdi.
Bugun Grand Mir mehonxonasida AOKA, O‘zDJTU huzuridagi Media va kommunikatsiyalar ilmiy-tadqiqot instituti, "Yangi media taʼlim markazi" NNT bilan hamkorlikda tashkil etilgan "Zamonaviy media muhitda axborotning ishonchliligi, media bilan xavfsiz muloqot va mediasavodxonlikni targ‘ib qilish masalalari" mavzusida davra suhbati bo‘lib o‘tdi.
Davra suhbatida media ekspertlar, tadqiqotchilar, soha mutaxassislari, davlat organlari axborot xizmati rahbarlari, jurnalistlar ishtirok etdi.
Muloqot davomida global va milliy segmentda tarqatilayotgan axborotlarni filtrlash, noxolis, asoslanmagan yangiliklar, dezinformatsiyalar va feyk xabarlar, targ‘ibotlar, sunʼiy xayplar, ijtimoiy tarmoqlarda yuzaga kelayotgan infolyutsiyalar haqida xabardorlikni oshirish, shu o‘rinda medisavodxonlikni ommalashtirish orqali ushbu dolzarb muammolarga yechim izlash masalalari keng muhokama qilindi.
Shuningdek, bugungi kunda blogerlar, inflyuyenserlar, troll va shu kabi turli ijtimoiy tartibsizliklarni keltirib chiqarishga, dalillarni buzib talqin qilishga hamda aholi o‘rtasida norozilik va agressiya uyg‘otuvchi xabarlarni tarqatishga uringan shaxslarga nisbatan qonunchilikda belgilagan choralar va o‘zgartish, qo‘shimcha kiritish lozim bo‘lgan jihatlarga alohida eʼtibor qaratildi.
O‘z o‘rnida, Agentlik mutasaddi xodimi bu kabi muammolarni oldini olish va bartaraf etishga qaratilgan AOKA tomonidan aholi mediasavodxonligini oshirish bo‘yicha ishlab chiqilgan chora-tadbirlar, taklif va taqdimotlar haqida maʼlumot berdi.
Davra suhbati qizg‘in va munozaralarga boy bo‘ldi. Unda bildirilgan taklif va mulohazalar sohadagi muammolar yechimida samarali xizmat qiladi.
