Toshkentda o‘qituvchini kaltaklaganlarga jinoiy ish ochildi
Holat bo‘yicha shahar IIBB qo‘shimcha maʼlumot berdi.
Avvalroq Toshkent shahrining Uchtepa tumanida 62-maktabning informatika fani o‘qituvchisi o‘quvchining yaqinlari tomonidan kaltaklangani haqida xabar berilgandi. Holat bo‘yicha shahar IIBB qo‘shimcha maʼlumot eʼlon qildi.
Qayd etilishicha, maktab o‘qituvchisi va o‘quvchi o‘rtasidagi o‘zaro kelishmovchilik sababli kelib chiqqan mojaro natijasida o‘qituvchi tan jarohati olganligi holati yuzasidan Respublikasi Jinoyat kodeksining 277-moddasi (“Bezorilik”) bilan jinoyat ishi qo‘zg‘atilgan.
“Jinoyat ishi Toshkent shahar IIBB rahbariyati tomonidan nazoratga olingan. Tergov yakuni bo‘yicha qonuniy qaror qabul qilinishi va aybdor shaxsga nisbatan qatʼiy chora ko‘rilishi taʼminlanadi”, — deyiladi xabarda.
