Dunyoda o‘rmon yong‘inlari 50 foizga ko‘payishi mumkin
Bu bo‘yicha olimlar o‘z xulosalarini eʼlon qildi.
Iqlim o‘zgarishi dunyoda o‘rmon yong‘inlari soni va ularning ko‘lami oshishiga olib kelishi mumkin. Norvegiya iqlim va atrof-muhit tadqiqotlari instituti olimlari shunday xulosaga keldi.
Olimlarning taʼkidlashicha, global harorat ko‘tarilib borar ekan, dunyoning turli chekkalarida yangi alanga o‘choqlari paydo bo‘laveradi.
Kanadada yuz berayotgan o‘rmon yong‘inlaridan chiqayotgan tutun hatto Norvegiyaga ham yetib bordi. Olimlar havoda aerozol zarralari konsentratsiyasining oshishini qayd etdilar. Tutun Yevropa ustidan atmosferada harakatlanishda davom etadi. Kanadadagi yong‘inni o‘chirishda harbiylar ishtirok etmoqda. Joriy yozda Yevropa Ittifoqi o‘zining yong‘inga qarshi flotini ikki barobarga oshirdi.
Ilgari BMT asr oxiriga borib yong‘inlar 50 foizga ko‘payishi haqida ogohlantirgan edi. 2030 yilga borib esa ularning chastotasi 14 foizga oshadi. O‘rmon yong‘inlari va iqlim o‘zgarishi bir-biri bilan chambarchas bog‘liq. Qurg‘oqchilik, kuchli shamol va past namlik yong‘in tarqalishiga yordam beradi. Shu bilan birga, hodisa teskari taʼsir ko‘rsatadi: yong‘inlar tufayli torf va tropik o‘rmonlar kabi yuqori uglerodli ekotizimlar vayron bo‘ladi.
