Qo‘qondagi savdo komleksida katta yong‘in chiqdi
Voqea joyiga 10 ta ekipaj yuborilgan.
Bugun, 12 iyun kuni Farg‘ona viloyatining Qo‘qon shahridagi bozorda yong‘in sodir bo‘ldi. Holat yuzasidan Favqulodda vaziyatlar vazirligi maʼlumot berdi.
Qayd etilishicha, soat 19:17 da Qo‘qon shahar Baynalminal ko‘chasida joylashgan “Buyuk ipak yo‘li” savdo kompleks xududidagi do‘kon rastalarida yong‘in sodir bo‘layotganligi to‘g‘risida FVBga xabar tushgan.
Shunga ko‘ra, 10 ta yong‘in-qutqaruv ekipaji soat 19:25 da voqea joyiga yetib borib, yong‘in o‘chirilmoqda. Vaziyat nazoratga olingan.
Yong‘in oqibatida fuqarolarni kuyish tan-jaroxati olish va halok bo‘lish xolatlari to‘g‘risida habar kelib tushmagan.
