Farg‘onada uyida ko‘knori yetishtirayotgan shaxs aniqlandi
Hozirda unga nisbatan jinoyat ishi ochilgan.
Farg‘ona tumanida 314 tup giyohvandlik o‘simliklarini parvarishlagan shaxs fosh bo‘ldi, deya xabar bermoqda IIV axborot xizmati.
Joriy yilning 2 iyun kuni tuman IIB xodimlari tomonidan “Qoradori-2023” tadbiri o‘tkazilgan. Gulshan mahallasi hududida yashovchi X.S.ning yashash xonadoni xolislar ishtirokida ko‘zdan kechirilganda tomorqasida 314 tup ko‘knori giyohvandlik o‘simliklarni parvarishlab kelayotganligi aniqlanib, ashyoviy dalil tariqasida olingan.
Holat yuzasidan Farg‘ona tumani IIB huzuridagi tergov bo‘limi tomonidan Jinoyat kodeksining 270-moddasi 1-qismi bilan jinoyat ishi qo‘zg‘atilib, tergov harakatlari olib borilmoqda.
Mazkur jinoyatni sodir etgan shaxs uch yilgacha ozodlikdan mahrum qilish bilan jazolanishi mumkin.
