Dunyoda jazirama qurbonlari soni ortib bormoqda
U qishloq xo‘jaligida ham katta yo‘qotishga sabab bo‘lyapti.
Ketma-ket 2 yil davomida kuzatilayotgan g‘ayritabiiy issiqlik va qurg‘oqchilik Yevropa iqtisodiyotiga zarar yetkazmoqda.
Yildan-yilga noqulay ob-havo sharoitlari tobora ko‘proq insonlar hayotiga zomin bo‘lmoqda.
BMT Jahon meteorologiya tashkiloti maʼlumotlariga ko‘ra, o‘tgan yilning o‘zida Ispaniya, Germaniya, Buyuk Britaniya, Fransiya va Portugaliyada 15 mingdan ortiq odam halok bo‘lgan. Bundan tashqari, 2 yildan beri mamlakatlar qishloq xo‘jaligi va chorvachilik sohalarida katta yo‘qotishlarga duchor bo‘lmoqda.
Masalan, Latviya fermerlari hukumatdan uzoq davom etgan qurg‘oqchilik tufayli favqulodda holat eʼlon qilishni so‘ramoqda. Ularning prognozlariga ko‘ra, bu yil g‘alla hosili 30-50 foizga kam bo‘ladi. Qishloq xo‘jaligidagi qurg‘oqchilik yo‘qotishlari allaqachon yuzlab million yevroga baholangan.
