O`zbekistonda Qurbon hayiti 28-iyun kuni nishonlanadi
O‘zbekiston Musulmonlar idorasi Qurbon hayiti qachon nishonlashi haqida maʼlumot berdi
O‘zbekiston musulmonlari idorasining oyni kuzatish bo‘yicha ishchi guruhining ilmiy izlanishlari, tajribali astronomiya markazlari va nufuzli fatvo hayʼatlaridan olgan maʼlumotlariga ko‘ra, hijriy 1444-yil Zulhijja oyining yangi oy fazasi (hiloli) milodiy 2023-yil 18-iyun kuni quyosh botgandan so‘ng sodir bo‘lgan (tug‘ilgan).
Maʼlum qilinishicha, hijriy-qamariy yil hisobi bo‘yicha Zulhijja oyining 10-kuni Iydul Azho – Qurbon hayitining birinchi kuni hisoblanadi.
Musulmonlari idorasi Ulamolar kengashi islom dini taʼlimotlari va mazkur maʼlumotlarga asoslangan holda O‘zbekistonda Qurbon hayitining birinchi kuni 28-iyun kuniga to‘g‘ri kelishi haqida qaror qabul qildi.
