Suriya va Turkiya munosabatlarni normallashtirishga kelishib oldi
Ular Rossiya taqdim etgan “yo‘l xaritasi” konsepsiyasiga rozi.
Suriya, Turkiya va Eron Anqara va Damashq o‘rtasidagi munosabatlarni normallashtirish yuzasidan Rossiya taqdim etgan “yo‘l xaritasi” konsepsiyasi bo‘yicha kelishib oldi.
Barcha tomonlar munosabatlarni normallashtirish jarayonini ilgari surish bo‘yicha yo‘l xaritasi konsepsiyasiga rozi bo‘ldi va o‘z fikr va takliflarini bildirdi. Endi ularni tizimlashtirish va muvofiqlashtirish kerak.
Rossiya tashqi ishlar vaziri Sergey Lavrov avvalroq “yo‘l xaritasi”ning ustuvor mavzularini aytib o‘tgan edi. Ular orasida Suriya hukumati nazoratini butun mamlakat bo‘ylab tiklash, Suriya-Turkiya chegarasi xavfsizligini taʼminlash, transchegaraviy hujumlar va terrorchilarning kirib kelishi ehtimolini bartaraf etish muammosini hal qilish bor.
