Tunisda poyezd ag‘darilib ketdi
Halok bo‘lganlar orasida poyezd mashinist va yo‘lovchilar ham bor.
Tunis sharqida yo‘lovchi poyezdi relsdan chiqib ketdi va ag‘darilib ketdi, deya xabar berdi Africa News.
SNCFT Davlat temir yo‘l kompaniyasi maʼlumotlariga ko‘ra, ikki kishi halok bo‘lgan, 34 kishi jarohat olgan.
Voqea yarim tundan keyin sodir bo‘lgan. Tunis va janubdagi Gabes shahri o‘rtasida harakatlanayotgan poyezd poytaxtdan 150 kilometr uzoqlikdagi Msakena shahri yaqinida relsdan chiqib ketdi.
Halok bo‘lganlar orasida poyezd mashinist va yo‘lovchilar ham bor.
«Avtohalokat holatlari, sabablarini aniqlash va aybdor shaxslarni aniqlash bo‘yicha tergov boshlandi», — deya qo‘shimcha qildi SNCFT.
YTH Tunis janubida ikki poyezdning to‘qnashib ketishi va 100 ga yaqin odamning jarohatlanishidan 15 oy o‘tgach sodir bo‘ldi.
Shuningdek, 2016 yilning dekabr oyida ham xuddi shu hududda poyezd va jamoat avtobusi to‘qnashib ketishi oqibatida 5 kishi halok bo‘lgan, 50 dan ortiq kishi jarohatlangan edi.
2015 yil iyun oyida Tunis tarixidagi eng dahshatli temir yo‘l halokatlaridan birini boshdan kechirgan: Tunisdan 60 kilometr janubda joylashgan El-Faxsda poyezdning yuk mashinasi bilan to‘qnashib ketishi oqibatida 18 kishi halok bo‘lgan. Avariya temir yo‘l kesishmasidagi signalizatsiya ishlamay qolishi tufayli sodir bo‘lgan.
