Toshkentdagi ko‘p qavatli uyning tomi yonib ketdi
FVV holat bo‘yicha maʼlumot berdi.
Bugun, 25 iyun kuni Toshkent shahrining Yunusobod tumanida joylashgan ko‘p qavatli uylardan birida yong‘in sodir bo‘ldi. Holat yuzasidan Favqulodda vaziyatlar vazirligi maʼlumot berdi.
Qayd etilishicha, soat 19:13 da Yunusobod tumani 12-dahada joylashgan ko‘p qavatli uyning tom qismi yonayotganligi to‘g‘risida shahar FVBga xabar tushgan. Zudlik bilan hodisa joyiga yong‘in qutqaruvchilar yetib borib, yong‘inni qurshab olishgan.
Yong‘inni bartaraf etishga 4 ta yong‘in-qutqaruv ekipaji 2 ta avtonarvon jalb etilgan. Hodisa oqibatida tan jarohati olgan va halok bo‘lganlar yo‘q.
Hozirda yong‘in sababi va moddiy zarar miqdori aniqlanmoqda.
