Toshkentda Marketpleyslar va elektron tijorat bozoriga bag‘ishlangan biznes-forum o‘tkazildi
Unda yirik kompaniya vakillari ishtirok etgan.
24 iyun kuni “Hyatt Regency” mehmonxonasida Marketpleyslar va elektron tijorat bozoriga bag‘ishlangan biznes-forum tashkil etildi. Forumda Raqamli texnologiyalar vazirligi, Soliq qo‘mitasi hamda bir qator yirik kompaniya vakillari ishtirok etdi.
Hozirgi davrda aynan shu sohaga ahamiyat qaratish lozim. Mazkur forumda elektron tijorat sohasidagi 300 ga yaqin eng kuchli tadbirkorlar, davlat tashkilotlari masʼullari va kichik biznes egalari jam bo‘ldi.
MDH davlatlarining eng yirik marketpleys rahbarlari mazkur sohani rivojlantirishga qaratilgan harakatlar strategiyasi, omadli biznes loyihalari va tajribalari, shuningdek, marketpleyslarning rivojlanishi bilan bog‘liq prognozlar bilan o‘rtoqlashishdi.
Biznes-forum ishtirokchilari marketpleysda faoliyat yuritish sirlarni bilib olish, va mazkur elektron bozoridagi o‘rnini mustahkamlashga qaratilgan muhim keyslarga ega bo‘lishdi.
