"Amir Temur izdoshlari" va "Jaloliddin Manguberdi vorislari" harbiy-sport musobaqalari o‘tkaziladi

Hukumat qarori bilan yoshlarni harbiy-vatanparvarlik ruhida tarbiyalash ishlari samaradorligini oshirish chora-tadbirlari tasdiqlandi.

Qaror bilan 2023-2027-yillarda yoshlarni harbiy-vatanparvarlik ruhida tarbiyalash ishlari samaradorligini oshirish konsepsiyasi hamda uni amalga oshirish bo‘yicha "yo‘l xaritasi" tasdiqlandi. Konsepsiyada belgilangan tadbirlar quyidagi 5 bosqichda amalga oshiriladi:

1-bosqich (3–7 yosh);
2-bosqich (7–10 yosh);
3-bosqich (11–17 yosh);
4-bosqich (18–21 yosh);
5-bosqich (22–30 yosh).

Qarorga ko‘ra, jumladan, quyidagilar amalga oshiriladi:

mahallalardagi kam ta’minlangan va ehtiyojmand oilalardagi yoshlarni qo‘llab-quvvatlash hamda ularga ijtimoiy yordam ko‘rsatish maqsadida "Ezgu amal" saxovat karvonlari tashkil etiladi;
"Amir Temur izdoshlari", "Jaloliddin Manguberdi vorislari" harbiy-sport musobaqalari o‘tkaziladi;
yoshlar o‘rtasida 4 bosqichda (mahalla – tuman – viloyat – respublika) "Shunqorlar" hamda "Vatanparvarlar" harbiy-sport musobaqalari o‘tkaziladi.