Shavkat Mirziyoyev Qurʼon kitobini yoqib yuborilganini qoraladi
Prezidentlikka nomzod Shavkat Mirziyoyev Shvetsiyada Qurʼon kitobini yoqib yuborilganiga munosabat bildirdi
Prezidentlikka nomzod Shavkat Mirziyoyev toshkentlik saylovchilar bilan uchrashuvda Shvetsiyada Qurʼoni karim yoqib yuborilganini yovuz harakat deb atadi va keskin qoraladi.
"Ayni vaqtda biz radikalizm va ekstremizmning har qanday ko‘rinishlariga, turli millat va xalqlarning diniy qadriyatlariga nisbatan hurmatsizlik ko‘rsatishga mutlaqo qarshimiz. Jumladan, yaqinda Shvetsiyada sodir etilgan, muqaddas Qurʼoni karimni yoqib yuborishdek yovuz harakatlarni keskin qoralaymiz", — dedi Shavkat Mirziyoyev.
Shavkat Mirziyoyevga ko‘ra, yer yuzidagi millionlab insonlarning dinu diyonati, ezgu hissiyotlarini haqorat qiladigan bunday holatlarga aslo yo‘l qo‘yib bo‘lmaydi.
