O‘zbekistonda bolalarning bog‘chaga qamrov darajasi maʼlum bo‘ldi
Qamrov darajasi 2017-yilga nisbatan 2,5 barobarga oshirilgan
Maktabgacha taʼlim agentligi maʼlumotlariga ko‘ra, bugungi kunda respublikada bolalarning maktabgacha taʼlim bilan qamrov darajasi 2017-yilga nisbatan (27,7 foiz) 2,5 barobarga yaʼni 71,8 foizga, maktabgacha taʼlim tashkilotlari soni 5 211 tadan 29 420 taga yetkazildi.
Qayd etilishicha, 2023-yil oxiriga qadar 3-7 yoshli bolalarni maktabgacha taʼlim tashkilotlariga qamrab olish darajasini 74,5 foizga yetkazish rejalashtirilgan.
Maʼlumot uchun, bugungi kunda O‘zbekistonda 6 598 ta davlat (shundan, 49 ta idoralarga qarashli), 833 ta xususiy, 1 313 ta DXSH asosidagi nodavlat va 20 676 ta oilaviy nodavlat maktabgacha taʼlim tashkilotlari faoliyati yo‘lga qo‘yilgan.
