O‘zbekistonga Erondan issiq havo kirib keladi
Biroq 14-iyuldan barcha hududlarga Kavkazdan salqinroq havo oqimi kirib kelishi kutilmoqda.
“O‘zgidromet” maʼlumotlariga ko‘ra, 9-10-iyul kunlari O‘zbekiston hududiga Turkmaniston orqali Eron hududlaridan issiq havo kirib keladi va harorat ko‘tarila boshlaydi.
Taʼkidlanishicha, issiq ob-havoning cho‘qqisi 11-13-iyul kunlariga to‘g‘ri keladi. Natijada kunduzi havo harorati 39-42 darajagacha, janubda va cho‘l hududlarda baʼzi joylarda 43-45 darajagacha ko‘tariladi.
"Biroq bu issiq davr uzoq bo‘lmaydi. 13-iyuldan respublikaning shimoli-g‘arbiy hududlariga, 14 iyuldan barcha hududlarga, bu safar Kavkazdan salqinroq havo kirib kelishi kutilmoqda. Harorat foni 3-5 darajaga pasayadi. Haroratning eng sezilarli pasayishi Qoraqalpog‘iston Respublikasi va Xorazm viloyatida kuzatiladi, bu yerda havo harorati 5-7 darajaga pasayadi", — deyiladi xabarda.
Maʼlum qilinishicha, shundan so‘ng iyul oyining oxirigacha haroratni qisqa muddatga ko‘tarilishi kuzatiladi, lekin sinoptiklar ushbu iyul oyida anomal issiq bo‘lishini kutmayaptilar.
