O‘zbekistonga jangovar o‘q-dorilarning noqonuniy olib kirilishi oldi olindi
O‘q-dorilar avtomashinaning zaxira g‘ildiragiga yashirib qo`yilgan
Davlat xavfsizlik xizmati matbuot xizmatining xabar berishicha, Buxoro viloyatida joylashgan “Olot-avtoyo‘l” xalqaro o‘tkazish punktida chegarachilar tomonidan O‘zbekistonga jangovar patronlarning noqonuniy olib kirilishining oldi olindi
Aniqlanishicha, O‘zbekiston fuqarosi boshqaruvidagi “DAF” yuk transport vositasi ko‘rikdan o‘tkazilganida, tirkamaga ortilgan jami 8 dona yengil avtomashinalar orasidan, davlat raqamisiz, rusumi Hyundai elantra bo‘lgan avtomashinaning orqa o‘rindig‘i va zaxira g‘ildiragi orasidan 1 dona karton qutida 43 dona jangovar patronlar yashirib qo‘yilganligi aniqlangan.
Hozirda, mazkur holat yuzasidan dastlabki surishtiruv ishlari olib borilmoqda.
