Chirchiqda 26 yoshli yigit o‘zini 8-qavatdan tashlab yubordi — video
Asli qoraqalpog‘istonlik bo‘lgan yigit olgan tan jarohatlari oqibatida vafot etgan.
2023 yil 9 iyul kuni soat 09:20 larda Qoraqalpog‘istonning Amudaryo tumanida tug‘ilib, Chirchiq shahrida ota-onasi va singlisi bilan birga yashab kelayotgan 26 yoshli yigit uyning 8-qavatidan o‘zini tashlab yuborib, halok bo‘ldi.
Bosh prokuratura matbuot xizmati xabariga ko‘ra, marhum D.R. besh yil davomida oila aʼzolari bilan birgalikda Rossiyada ishlab, joriy yilning may oyi boshida O‘zbekistonga qaytib kelgan. Shu kungacha, Bo‘stonliq tumanida oilasiga tegishli bo‘lgan dala hovlida qurilish ishlari bilan band bo‘lgan.
Marhumning otasining so‘zlariga ko‘ra, joriy yilning mart oylaridan boshlab D.R.ning ruhiy holati buzilishi kuzatilgan. Mazkur holat yuzasidan shahar prokuraturasi tomonidan tergovga qadar tekshiruv harakatlari olib borilmoqda.
