Yangi tashkil etilayotgan agroklasterlar oliygohlar bilan hamkorlik qiladi
Shuningdek, Samarqand agroinnovatsiyalar va tadqiqotlar instituti tashkil etiladi
Prezident "Agrar sohada ilm-fan, taʼlim va ishlab chiqarishni integratsiya qilish orqali sifat va samaradorlikni oshirishning qo‘shimcha chora-tadbirlari to‘g‘risida"gi qarorni imzoladi.
Unga ko‘ra, qaror bilan 2023 yil 1 sentyabrdan:
-
oliy taʼlim va ilmiy-tadqiqot muassasalari bilan hamkorlik, ilm-fan yutuqlari, innovatsion texnologiyalarni joriy qilish, inson resurslarini rivojlantirish masalalari yangi tashkil etiladigan agroklasterlar, kooperativlar va sohadagi boshqa yirik korxonalar faoliyatini tashkil etishda litsenziya va ruxsat etish tartib-taomillari shartlaridan biri etib belgilanadi;
-
qishloq xo‘jaligi va oziq-ovqat sanoati sohasidagi muammolar bo‘yicha ilmiy loyihalar va dissertatsiyalar mavzulari Qishloq xo‘jaligi vazirligi bilan kelishiladi.
-
Xalqaro qishloq xo‘jaligi universiteti huzurida Buyuk Britaniya taʼlim tizimiga ixtisoslashgan Xalqaro maktab tashkil etiladi. O‘quvchilar 1- va 5-sinfdan qabul qilinadi.
Shuningdek:
-
Samarqand agroinnovatsiyalar va tadqiqotlar instituti;
-
idoralararo Qishloq xo‘jaligi fundamental tadqiqotlar markazi;
-
dala ekinlari urug‘chiligi milliy tadqiqot majmuasi direksiyasi tashkil etilmoqda.
