Toshkentdagi 32 ta avtobus yo‘nalishida "kunlik plan" bekor qilindi
Toshkentda iyul oyidan boshlab 32 ta avtobus yo‘nalishida xizmat ko‘rsatish brutto-shartnoma asosida tashkil etildi.
“Toshshahartransxizmat”ning xabar berishicha, iyul oyidan boshlab, “Toshshahartransxizmat” AJ tarkibidagi avtobus saroylari tomonidan xizmat ko‘rsatilayotgan 17t, 20, 73, 86, 98, 101, 146, 140 130,129, 116, 82, 68, 63, 61, 55, 52, 45, 43, 41, 39, 9t, 8, 125, 151, 133, 138, 153, 154, 181, 183, 104-sonli poytaxt bo‘ylab harakatlanuvchi avtobus yo‘nalishlarida xizmat ko‘rsatish yangi turdagi brutto shartnoma asosida tashkil etilmoqda.
Bu O‘zbekiston prezidentining 2023-yil 16-fevraldagi “Jamoat transporti tizimini isloh qilish chora-tadbirlari to‘g‘risida“gi qaroriga asosan amalga oshirilgan.
Maʼlumot uchun, brutto-shartnomalar — bu yo‘lovchi tashishni tashkil etish modeli bo‘lib, unda barcha tushumlar shahar byudjetining maxsus hisob raqamiga o‘tkaziladi va shahar maʼmuriyati yo‘lovchi tashuvchiga yo‘nalishlar bo‘yicha to‘lovlarni bajarilgan ish hajmidan kelib chiqib, sifat nazorati ostida o‘tkazib beradi.
