Hafta davomida kuzatiladigan ob-havo ma'lumoti e'lon qilindi
Havo harorati haftaning o`rtasiga borib biroz pasayishi mumkin
"O'zgidromet" ma'lumotlariga ko'ra, joriy hafta davomida O‘zbekiston hududi bo‘yicha haroratining nisbatan o‘zgarib turishi kutilmaydi. Haftaning boshi biroz issiq — kunduz kunlari 35-40 daraja atrofida, janubda ba’zi joylarda 42-44 daraja issiq bo‘ladi. Hafta o‘rtasiga borib harorat foni 33-38 darajagacha pasayishi kutilmoqda.
Shuningdek, respublika janubida ham harorat 2-3 darajaga pasayadi.
Qayd etilishicha, hafta davomida respublikaning katta qismi bo‘yicha asosan quruq va kam bulutli ob-havo bo‘lishi kutilmoqda, faqat Qoraqalpog‘iston Respubikasi va Xorazm viloyatida 17-18-iyul kunlari, shuningdek 19-21-iyul kunlari O‘zbekistonning tog‘li hududlarida qisqa muddatli yomg‘ir yog‘ishi, momaqaldiroq bo‘lishi mumkin.
Bundan tashqari, 17-18-iyul kunlari shimolda va cho‘l hududlarda, 19-20-iyul kunlari respublika bo‘yicha ba’zi joylarda shamol tezligi kuchayishi hamda ayrim joylarda chang-to‘zon bilan kuzatilishi kutilmoqda.
