Tinch okeanida uch oy suzib yurgan dengizchi qutqarildi
Tim Sheddok va uning iti Tinch okeanida bo‘ronga uchragan va uch oy davomida xom baliq yeb, yomg‘ir suvini ichib, yordam kutgan.
Tinch okeanida 51 yoshli avstraliyalik Tim Sheddok qutqarildi, u iti bilan birga uch oy davomida ochiq okeanda o‘z kemasida suzib yurgan.
Sheddok aprel oyida Meksikaning La-Pas portidan katamaranda yo‘lga chiqqan. U Tinch okeanidagi Fransiya Polineziyasi arxipelagiga qadar 6000 km masofani bosib o‘tishni rejalashtirgan. Uning iti Bella kemada u bilan birga bo‘lgan.
Sayohat boshlanganidan bir necha hafta o‘tgach, ular katamarandagi elektronika va radio aloqalarini o‘chirib qo‘yib, kemani boshqarib bo‘lmaydigan holatga keltirgan bo‘ronga duch kelgan. Sheddok va uning iti 6 iyul kuni baliq ovlash kemasidagi vertolyot tomonidan aniqlanmaguncha, uch oy davomida ochiq okeanda suzib yurgan.
Shu vaqt ichida avstraliyalik yomg‘ir suvini ichgan va okeanda ovlangan xom baliqni isteʼmol qilgan — Sheddokning baliq ovlash to‘ri bo‘lgan. Endi qutqarilganlar traulerda Meksikaga qaytib ketmoqda.
"Men dengizda juda og‘ir sinovdan o‘tdim. Men dam olishim va yaxshi ovqatlanish kerak, chunki uzoq vaqt yolg‘iz edim. Sog‘ligim joyida", — deydi Tim Sheddok.
