Oliy sud "Kompromatuzb" ishi yuzasidan rasmiy ma'lumot berdi
Mazkur jinoyat ishi bo‘yicha ayblanuvchilar fuqarolarga 5 mlrd so‘mdan ortiq moddiy zarar yetkazgan.
Avvalroq "Kompromatuzb" ishi yuzasidan boshlangan sud jarayoni yopiq tarzda ko'rib chiqilishi haqida xababr berilgan edi. Holat yuzasidan Oliy sud matbuot xizmati rasmiy ma'lumot berdi.
Ta'kidlanishicha, Jinoyat ishlari bo‘yicha Shayxontohur tuman sudida X. D, S. X, A. A. va M. M. ga oid jinoyat ishini ko‘rib chiqish bo‘yicha sud jarayoni boshlangan.
Sud sudlanuvchilar X. D. va M. M. ning jinoyat ishini yopiq sud majlisida ko‘rib chiqish haqida keltirgan iltimosnomalarini muhokama qilib, ishda ishtirok etayotgan davlat ayblovchisi hamda himoyachilarning fikrlarini tinglab, ushbu jinoyat ishini Jinoyat-protsessual kodeksining 19-moddasi (sudda jinoyat ishlarining oshkora ko‘rilishi) talablariga muvofiq yopiq sud majlisida ko‘rib chiqish haqida ajrim chiqarilgan.
Qo‘shimcha maʼlumot sud jarayoni yakuni bo‘yicha beriladi, deyiladi Oliy sud rasmiy xabarida.
