Saudiya Arabistoni va Turkiya urush payti Rossiyaga olib ketilgan ukrainalik bolalarni qaytarish ustida ishlamoqda
Avvalroq Xalqaro jinoiy sud Vladimir Putinga nisbatan ukrain bolalarining Rossiyaga deportatsiyasini tashkil etish bo‘yicha ish ochgandi.
Saudiya Arabistoni va Turkiya urush paytida Rossiyaga olib ketilgan ukrainalik bolalarni qaytarish bo‘yicha kelishuvni muhokama qilmoqda. Muzokaralarda Roman Abramovich ishtirok etmoqda. Bu haqda Britaniyaning The Financial Times gazetasi muzokaralardan xabardor manbalar so‘zlariga tayanib xabar berdi.
Qayd etilishicha, muzokaralar davomida urush paytida Rossiyaga olib ketilgan minglab bolalarning ro‘yxati tuzilmoqda, deydi manbalar,
Avval xabar qilinmagan muzokaralar bir necha oydan beri davom etmoqda. Muhokamalarda "Chelsi" futbol klubining sobiq xo'jayini Roman Abramovich ham ishtirok etmoqda. Ilgari u Rossiya Federatsiyasi Prezidentining vakili sifatida Ukraina bilan muzokaralarda, shu jumladan asirlarni almashish va “don bitimi”ni tuzishda ham ishtirok etgan.
Ma'lumot uchun, mart oyida Xalqaro jinoiy sud Rossiya prezidenti Vladimir Putin va uning bolalar huquqlari bo‘yicha komissari Mariya Lvova-Belovani Ukrainaning bosib olingan hududlaridan bolalarni Rossiyaga noqonuniy deportatsiya qilishda ayblagan edi.
