20 yoshli bloger operatsiya vaqtida vafot etdi
Bosh prokuratura matbuot kotibi holat bo‘yicha rasmiy maʼlumot berdi.
Joriy yilning 19 iyul kuni instabloger Asad Algo vafot etdi. Bu haqda uning yaqin do'sti maʼlum qildi.
Qizning aytishicha, bloger kaltaklanish natijasida boshidan qattiq jarohat olgan va uch kun davomida uyida davolangan.
Ammo ahvol yomonlashgach miyasidan operatsiya qilingan va jarrohlik stolida yuragi to‘xtab, vafot etgan.
“Barchadan iltimos qilaman, duo qilinglar joylari jannatdan bo‘lsin”, — deydi uning do'sti.
Shuningdek, blogerning o‘limini Sevinchka ham tasdiqladi:
“Iltimos, mendan hech narsa so‘ramang. Hammasiga uning ota-onasi va qilgan ishlari aybdor. Unga hech kim qaramadi. U mening yigitim emas, janjal qilishimizga qaramay, u mening yaqin odamim edi”.
Bosh prokuratura matbuot kotibi holat bo‘yicha rasmiy maʼlumot berdi.
Unga ko‘ra, "Asad Algo" nomi bilan tanilgan 20 yoshli bloger vafot etganligi holati yuzasidan tergovga qadar tekshiruv harakatlari olib borilmoqda.
«Marhumning o‘lim sabablarini aniqlash maqsadida sud-tibbiyot ekspertizasi tayinlangan. Natijasi bo‘yicha qonuniy qaror qabul qilinishi taʼminlanadi», — deyiladi rasmiy munosabatda.
