AQSHlik erkak burga chaqishi oqibatida qo‘l-oyog‘idan ayrildi
Shifokorlar so'nggi chora sifatida ushbu ishni qilishgan
New York Post nashriga ko'ra, Texasda yashovchi erkakni burga chaqishi natijasida paydo bo'lgan tif kasalligi tufayli ikkala qo'li va oyog'ining bir qismi amputatsiya qilingan.
"Maykl Kolxof barmoqlarida sezuvchanlikni yo‘qotib, kasalxonaga olib ketildi. Oila 35 yoshli erkakning kasalligini og‘ir gripp ta’siri bilan bog‘lagan. Biroq, yigitning ahvoli yomonlashishining haqiqiy sababi bitta burga chaqishi natijasida rivojlangan tif edi. Biroq, tifning bu turi kamdan-kam uchraydi va Qo'shma Shtatlarda deyarli hech qachon uchramaydi", — deyiladi xabarda.
Qayd etilishicha, reanimatsiya bo'limiga yotqizilgan 35 yoshli yigitning ahvoli 11 kundan keyin yaxshilangan. Biroq kuchli dori vositalarini qo‘llash tufayli unda qo‘l va oyoqlarning quruq gangrenasi yuzaga kelgan.
Oqibatda shifokorlar yigitning ikkala qo'li va oyog'ining bir qismini kesishga majbur bo'lishgan.
